Посвящение студентов

 

Балаҕан ыйын 26 күнүгэр сыл ахсын буоларын курдук колледжпытыгар саҥа киирбит студеннары, үөрэнээччилэри «сүрэхтээһин» күнэ буолла.

Бу күн сарсыардаттан оҕолор  сүргэлэрин көтөҕөн фойеҕа музыка тыаһа, видеоролигынан эҕэрдэлэр бардылар. Араас моһоллору туорааһын кэнниттэн.

4 чаастан торжественнай чааһа саҕаланна. Сунтаар сирэ – былыр былыргыттан өбүгэ сиэрин ситэри тутан симэлиппэккэ илдьэ кэлбит үгэһин тутан. Сахалыы куттаах, сахалыы тыыннаах, айылгылаах буоламмыт сүрэхтэниибит сиэрин – туомун сахалыы тыынынан саҕалаатыбыт.

Өбүгэлэрбит үтүө үгэһинэн быйылгы үөрэх дьылыгар аан маҥнай колледж аанын арыйан киирэр үөрэнээччилэрбитин, студеннарбытын сүүстэригэр күлүнэн аҕаан колледж директора Тамара Дмитриевна Казакова “сүрэхтээтэ”. Оҕолор баҕа санааларын түммүт дьэрэкээн лоскуйдарынан салама ыйаатылар. Кэлэр кэскиллээх кэнчээри ыччаттарбытын хомус дьүрүскэн тыаһыгар доҕуһуоллатан буруо таһааран, саҥыйахтаах алаадьыннан, кыынньар кымыһынан айах тутан алҕаатыбыт, арчылаатыбыт. Ол кэнниттэн Саҥа аһыллыбыт 5 группа бэйэлэрин билиһиннэрдилэр олус көхтөөхтүк барда. Ордук автомеханик группата ( куратор Егоров Александр Васильевич, маастар Алексей Петрович Михайлов) бэлэмнээхтэрин көрдөрдүлэр.

Быйылгы үөрэх дьылыгар олус талааннаах оҕолор элбэхтэрин, ол курдук автомеханик группатыттан Евгений Селляхов, Николай Бубякин, Дьулустаан Иванов, тракторист машинист группатыттан Артур Захаров, Алеша Осипов бэйэлэрин көрдөрдүлэр.

Иккис сылын үөрэнэр товаровед группатын аатыттан Алена Бетюнская Хотугулуу үҥкүүннэн саҥа киирбит студеннарга, үөрэнээччилэргэ эҕэрдэтин тирэртэ.

Саҥа олох суолугар үктэммит уйаҕас, намчы айылгылаах, ол эрэн үрдүккэ дьулуурдаах эдэр дьоммутугар инникигэ эрэллээх буолалларыгар, үөрэхтэригэр үрдүк ситиһиилэри, колледж олоҕор активнай кыттыыны баҕаран туран колледж Ийэ баһылыга Казакова Тамара Дмитриенва зачеткалары, студенческай билетары туттартаата.

Бу киэһэни олус интэриэһинэйдик иилээн- саҕалаан ыыттылар автомеханик группатын студена Дьулустаан Иванов уонна педагог-организатор Зоя Михайловна Иванова.     

 

 

 

Календарь

Января 2018
ВПВСЧПС
123456
78910111213
14151617181920
21222324252627
28293031

Счетчик посещаемости сайта


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterСегодня20
mod_vvisit_counterВчера72
mod_vvisit_counterНа этой неделе401
mod_vvisit_counterНа прошлой неделе520
mod_vvisit_counterВ этом месяце1790
mod_vvisit_counterВ прошлом месяце1983
mod_vvisit_counterВ данное время77603

Интернет (20 минут назад): 2
Ваш IP: 54.234.65.78
,
Сейчас: 2018-01-21 08:26
Travel Turne Tranzito