Өйдүүбүт, саныыбыт, сүгүрүйэбит!

А5а дойду Улуу сэриитин кыттыылаа5а, тыыл бэтэрээнэ Иванов Илья Алексеевич 23-дээх профессиональнай-техническай училищеҕа производственнай үөрэхтээһин маастарынан өр сылларга үрдүк таһаарыылаахтык үлэлээбитэ.

Илья Алексеевич 1926 сыллаахха от ыйын 15 күнүгэр күн сирин көрбүтэ. Хаданна 4 кылааһы  үөрэнэн бүтэрэн, ийэтин туруорсуутунан сал5ыы Сунтаарга киирэн  7 кылаас үөрэхтэммитэ. Ол кэнниттэн 1940 сылга Хаданна тахсан колхозка үлэлиибитэ. Эһиилги сылыгар А5а дойду Улуу сэриитэ са5аламмыта. Сана улаатан эрэр, үөрэхтээх, аа5ар-суруйар уолу «Аа5ар бала5ан» сэбиэдиссэйинэн үлэлэппиттэрэ.  1944 сыллаахха аармыйа5а барарга ынырыы сурук тутар,  ийэтэ Сунтаарга киирсэн уолун сэриигэ атаарар.

Илья Алексеевич 1945 сыллаахха Япония милитаристарын утары сэриигэ кыттыыны ылбыта, минометчик  быһыытынан сылдьыбыта. «12 киилэ ыйааһыннаах миномету сүгэ сылдьыбытым» диэн сиэннэригэр кэпсиирэ.

Аармыйаттан 1950 сыллаахха төрөөбүт дойдутугар төннөн кэлэн маһы таҥастыыр кэмбинээккэ үлэтин са5алаабыта. Ити сыл Дьокуускай куоракка машинистар куурустарыгар үөрэнэн «Машинист локомобиля» идэни ылбыта. 1953 сылтан саҥа тэриллэр МТС-ка суоппарынан үлэлии киирбитэ. Манна «Полуторка», «ЗИС-5», «ЗИС -150», «ГАЗ-63», «ЗИЛ-150», «ЗИЛ-164» массыыналары баһылаабыта.

Сунтаарга 1969 сыллаахха саҥа тэриллибит «Учебнай комбинакка»   суоппардары уонна тырахтарыыстары бэлэмниир кыһа5а 1972 сылга  үөрэтээччинэн үлэ5э киирбитэ. Манна сылдьан Дьокуускай куоракка идэтин үрдэтинэн «Мастер производственного обучения» диэн диплому ылбыта. Ол курдук 1975 сылтан учебнай кэмбинээккэ, салгыы профтехучилище5а маастарынан үлэлээн 1987 сылга бочуоттаах сынньалаҥҥа тахсыар диэри 300  тахса  эдэр ыччаты суоппар эппиэтинэстээх идэтигэр уһһуйбута.

Кэргэнинээн Февронья Николаевналыын 1964 сыллаахха ыал буоланнар холбоон 12 о5о, элбэх сиэн, хос сиэн көрөн дьоллоох оло5у олорон ааспыттара.